回校記

過回「正常」的生活… 一個月原來真的轉眼就過… (但每朝六時多依然會自己轉醒)

今日帶著畢業袍回莊記影相~ 為的是答謝各位阿sir 的教導,也是在實習期間看到舊生回來老師們的雀躍才想到的.

畢業… 對我來說好像很遠啦~~ 雖然有人話而家同之前三月影相的意義好唔同… 但講真… 畢業的感覺已經離我好遠…

最開心都係可以見到KOBO、田鼠、Luk Sir、李南光等等~~~ 與Lucy 請了田鼠、Luk Sir、李Sir 食飯,好開心…… 最後講左句多謝… 唔知佢地收唔收到… 其實的而且確… B.S. 真係唔係教左我好多野… 但係好多謝幾位阿Sir 俾左我地兩年好開心的時光!!

田鼠、大曾Sir同Luk sir 都瘦左又型左!! 田鼠仔睇相又大左… 依然咁肥咁可愛!! 不過李Sir 就好似……. 「佬」左… ohoh~~ 「溫文爾雅」、「Eason + 王喜」的造型… 唔見左lu~ 不過Kobo 執正左… 竟然著恤衫wor!!!! 唔係以前既羊毛內衣!!! 哈哈~~ 原來係今晚去飲… 所以先執得咁正!

Luk Sir 竟然想以$ 8000 叫我番去做Liberal 的TA wor… 仲話拎d 經驗可以第日轉perm… 早唔早左d 呀~ 最搞笑係… 佢真係好似老細咁款… 就黎升副校既佢真係好有老細格! 田鼠仲搞笑… 好似已經成事咁!! 「好呀好呀!! 你仲可以幫手tu B.S. 同Econ.」… 仲有人話… 早知叫校長一齊食飯… 十個滴汗… 都試下俾我搵工先啦… 同埋… 真的成事一定俾你地「用盡」… 未做你地已經咁興奮…

講真… 如果莊記真係轉型做普通中學… (唉… 不過可能變直資… 又可能轉style… 無以前咁free)… 我都好想番去教!! (但係… 可唔可以唔係TA 呀!?)

最後都係呢句… 好開心好開心見到你地!! ^____^ 發覺係呢度我講野特別FIRM… 可能係個ROLE FIX 死左… 我係GROUP 裡面講野最大膽最直接O個個… 哈哈~~ 連自己都覺得特別型! 呵呵~~~~