食飯吹水

食飯時候,我以為又係一個人係一間偌大既會議室對著電腦食啦… 大表哥竟然 lor 埋飯盒入黎話陪我食…

一開口就問我點睇呢個政府… 一時反應唔到… ha? 你想我講乜先…?

傾傾下… 我認為根本問題係行政長官同立法會唔係普選產生… 唔係普選產生又點會向市民負責… 做錯左乜都唔使驚… 我地連遺憾佢都唔得… 仲差過學生會…

大表哥就認為大陸點都唔會放手俾香港自己搞… 所以呢個問題一定係死症~

哈~ 之後唔知點解又講左去經濟問題… 失業問題…

政經如何密切相關,依個唔使講都知啦~ 不過最搞笑係據鍾士元所講…

香港開始傾九七問題竟然因為當時銀行按揭通常係十五年,咁九七年倒數番十五年就係八二!!!! 所以銀行界就首先提出如果係八二年前仲未傾好香港前途問題,咁經濟發展會好受影響!!!

值得

放完一日假,回到公司,大表哥同二表哥都先後問我有沒有參加遊行,當然例牌問… 行左幾耐呀? 係咪好曬呀?… 不過兩人都同時最後講左句: “值得ge…” 是的,相信我們的七一已寫進了歷史… 好同意一位中同的說話~~

原來大表哥讀大學時都有去遊行… 不過已經是八九年的事了…

其實一直好想早d 出世… 感受當時的大學氣氛~

究竟火紅時代… 小火紅時代係點ga lei? 身處那時代的我… 會是怎樣的呢?