簡報 (雖然… 最後… 都好長…)

標示:
( ) -交通 [ ] -觀光點 ____-深入遊玩區 (其他沒有underline 的只是途徑一下)

第一日

機場 –> (飛狗)國父紀念館 –> (捷運後山埤站) 五分埔 [五分埔、中橋公園、饒河夜市] –> (的士) 信義區商圈 [台北101、紐約紐約、Neo 19、威視、三越、誠品旗艦店) –> (捷運西門站) 旅店

第二日

旅店 (0700 起床) –> (捷運台北車站) 台北火車站 –> (火車) 八堵 –> (小火車) 菁桐 [鐵路博物館、太子賓館、北海道民宿] –> (步行 + 電單車!!!) 平溪 [平溪老街、小玩] –> (小火車) 十分 [鐵橋、礦業博物館] –> (小火車) 瑞芳 –> (基隆客運) 基隆 –> (淡水客運) 北海岸白沙灣 –> (淡水客運) 淡水 –> (捷運新北投站) 京都行館

[特別鳴謝: 瓦斯少年!!!]

第三日

旅店 (0745 起床) –> (步行) 北投溫泉路 [日本溫泉舍區、吟松閣、普濟寺、天主教堂] –> 回旅店再浸泡 (1015 Check out) –> (步行) 溫泉博物館、民族館 –> (捷運關渡站) 關渡 –> (紅13客運) 八里 [十三行博物館、陽光廣場、渡頭老街] –> (渡船) 淡水 [淡水老街、紅樓] –> (紅26客運) 漁人碼頭 –> (紅22客運) 紅樹林站 –> (捷運西門站) 西門 [萬年、動漫店、阿宗麵線、天仁茗茶] –> 旅店

====================================

只能簡略地報告去左乜野地方… 又上山又下海…
捷運、火車、小火車、客運、渡船,連電單車同礦車都坐過~~~
買左好多野… 好多好多手信 (大家唔使驚啦~~~)
當然… 帶住咁多野… 行左咁多路… 的結果是: 我的手腳冇一塊肉唔痠痛!!!
Dickens 唔使擔心我會偷懶啦. 我肯定每日手持的行裝一定重過平時舉的5鎊,也肯定走的路一定俾每次踩車+stepper 多!!!!!!

大家不用擔心我啦~~ 行程好順利,完全同我預訂的一樣。非常安全。
要擔心既… 就擔心我的銀包同體力拎唔拎到咁多野啦.
不過放心,聰明的我已決定星期二出發去台中前,會將所有書同手信全寄回港。
雖然可能會慢d (即係你地會遲收手信),但總好過我拎住3-4 人的行裝繼續上路…
(一直以黎,去到任何可寄放行裝參觀的地方,d 人見到我拎既野… 都呆哂… 勁lor!)

=======================
連續兩個傍晚都在海邊渡過,尋日白沙灣、今日淡水漁人碼頭… 落日好靚!! 應該仲有高雄o個日都係…

=======================
知道我去旅行都會問… 今次去台灣係文化之旅、購物飲食還是欣賞大自然…
我好想講… 我唔覺得要咁分lor~~
好似我咁… 又上山… 又下海… 又去下博物館… 又買下野… 唔好咩??
好唔鍾意去d 莫名其妙的博物館,亳無主題,只係放置一堆文物…

這次去過的全都非常有意思~~~
好似平溪的煤礦博物館,正正道出整個平溪線的出現就是因為採煤…
北投的溫泉博物館,可看到一個地區隨著溫泉工業的興盛、沒落,另找出路…
八里的十三行博物館除了看到原住民與鐵的關係… 更看到一個抗爭歷史…
一個保護古蹟文物的失敗歷史… 也是政府強權壓倒一切的歷史.

三個博物館也道出了該地區的故事… 更帶出文明的問題…
十三行裡一個關於「鐵」的館區… 最後的一塊展板寫到「這是最好… 也是最壞的時代」… 在礦業博物館中,聽到了看到了很多礦工的故事… 絕不是第一次聽聞… 但每次聽見也覺心酸… 到底我們要犧牲多少???? 這些礦工的故事… 在平溪已是歷史… 但在中國大陸呢? 每日也在延續… 繼續上演…………….

===================

發現我最喜歡拍的是小徑同梯級… 我都唔知點解會咁古怪… 一見到咁停唔到手…
感謝在十分煤礦館下山時的一場及時雨,把草的氣息全帶出來。
好喜歡置身在一片綠之中… 好舒服好舒服…
今日的北投溫泉路也一樣,尤其係上普濟寺時的石級,樹影加上鋪滿青苔的石級,好綠好綠… 超喜歡呀~~~
可惜相機始終代替不了眼睛… 不能把那種顏色切實紀錄下來…

====================

雖然我這次不是大吃大喝團,只是肚餓先搵野食. (今晚本來諗住去士林,但諗諗下都係唔食熱氣野… 最後都係無去,費事啦… 呢幾日起身喉嚨都有d 痛… 我唔會俾自己病,所以都係唔去士林lu~)

雖然係咁. Kenny 推介的,就一定要試! 食左Mister Donut、阿宗麵線同天仁茗茶啦~~ 你推介得既,全部都好正~~~~~~

====================

聽日一早去金瓜石、九份,夜晚去基隆。
晚上都係西門金帥訓,所以都應該有得上網… (雖然可能眼訓都… 唔想上…)

好怕聽晚係最後一晚上網…
之後係台中台南… 就未必咁方便lu~~~