十二月十八日, 天陰唔經唔覺已經放左兩星期假, 一睇日歷原來下星期就是聖誕節. 我好記得上年的聖誕節, 係香港忙得好交關..因為要跳舞表演的關係. 其實係上年阿新生日的時候, 即係十二月八日, 係我第一次跳舞表演, 地點係堅道總堂, 仲有已故的胡樞機主教. 為左要彌補沒有柏鴻的寂寞, 唯有將自己的生活填到滿滿, 唔俾自己停落呢….但其實我係怕自己想起阿新…
兩年前的今日, 我已經同阿新重遇, 或者當時我仲未喜歡他, 重遇的日子已經唔記左lu. 但係我記得十二月十九日係我約佢去唱 k 的…….因為我是故意唔返學, 想逃避一些事情. 當時的心情好複雜, 無兒時咁放縱放棄自己, 無煙無酒. 只是想玩想癲…..我好明白有些人唔開心想落 d 想玩想蒲玩 one night stand 的感受. 因為每一個人都想逃避唔開心的事……我亦曾經感受過呢種感覺…其實我真係好明白煙癮的感覺, 基本上到依家我都會記得個種感覺….哈哈, 煙呢一樣曾經擁有就得啦, 我的理智永遠都係勝利的~
回想起兩年前的我做緊什麼, 我估期待緊明日點樣去見阿新gua. 不過個時煩緊其他野, 都無咩點真正唸過同阿新的關係…..喜歡他係約會之後的事…
今日依然係十二點幾先肯起身….食完飯之後就去左游水, 游左無幾耐, 因為開始多人就去左浸 spa. 最後都係去左拉把上左一陣間網就回家食 dinner…..係拉把繼續搜羅柴門文的漫畫….結果搵埋東京愛的故事的結局..食完dinner 忍不住就刨埋個結局. 哈哈, 睇完的結局都幾吸引. 赤名莉香永遠都可以拎得起放得低, 傻下傻下不可以無男人, 永遠都要男人上床, 一個不可以安定的女人. 完治的忠實愚笨, 理美的溫柔忍耐, 三上的情聖瀟灑……結果完治和理美一對, 三上和尚子一對……任性的莉香悠然自得放開最愛的完治…..自己獨自養大和第二個男人生的bb..因為她最愛的是完治….最後柴門文亦道出完治永遠都不會忘記自己愛過的女人…唔知點解好細過睇過鈴本保內美的東京愛的故事之後, 就愛上柴門文的漫畫…特別係呢套…
食完飯之後, 開了房的電視. 賴洋洋的訓係床上睇. 我房同IEKA 的設計差不多, 只不過 D 顏色無襯得咁靚. 訓係床上面睇書, 睇電視同打PS 2, 煲電話粥都得…一口氣睇左四本書. 3 本中文書同埋歷史書, 我一向討厭歷史但係依家忽然想了解 WWI 同WWII 的原因….雖然唔係好明亦無咩心機真係了解, 所以約略知道就得啦. 今日又睇左一個佛學的故仔…因為今日上網睇報紙見到顧老闆的新聞. 以前係香港都覺得佢真係好有深度…所以咪睇下係唔真係咁好睇….結果又真係ge, 不過因為太多中文字, 無咩心機睇曬…..
故事:
從前有一個人, 借給別人五分錢, 那個人很久都沒有還. 他就跑去索取. 他去到那家去, 路上面經過一條大河, 租船過河用去兩毛錢, 到了那人家裡, 而那人又不在, 回來又用左兩毛錢. 來來去去用了四毛錢. 這樣, 空勞一場, 沒有得到什麼, 卻反損失了數倍於債款的錢.
呢個故事話, 如果光為爭求小利, 不惜敗壞自己的操行, 結果往往得不償失, 甚至會名利雙失, 現世受了惡名, 來世還須受苦, 這樣做, 太蠢了.
![[Powered By MySQL]](/images/mysql-04.gif)
Copyright Notice: All entries are copyright (and the responsibility of) their respective authors.
